Nasamsam ang tinatayang Php3,400,000 halaga ng shabu mula sa dalawang High Value Individuals sa isinagawang buy-bust operation ng mga awtoridad sa Purok Narra, Barangay Lumbog Margosatubig Zamboanga Del Sur bandang 6:00 ng gabi nito lamang ika-25 ng Agosto, 2024.
Kinilala ni Police Brigadier General Bowenn Joey M Masauding, Regional Director ng Police Regional Office 9, ang mga naarestong suspek na sina alyas “Ating”, 42 anyos, babae, may asawa at alyas “Jay”, 20 anyos, walang asawa, bao-bao driver at parehong residente ng Purok Santa Barangay Poblacion Margosatubig, Zamboanga Del Sur.
Nasamsam mula sa mga suspek ang limang knot tied transparent packs ng shabu na may Standard Drug Price na Php3,400,000 at iba’t ibang drug paraphernalia.
Naging matagumpay ang operasyon sa pinagsanib na pwersa ng Philippine Drug Enforcement Agency 9, Margosatubig Municipal Police Station at 2nd Zamboanga Del Sur Provincial Mobile Force Company.
Patuloy ang Zamboanga del Sur PNP katuwang ang iba’t ibang ahensya ng gobyerno sa pagpapaigting ng laban kontra ilegal na droga upang mapanatili ang kaayusan ng bansa tungo sa isang ligtas na Bagong Pilipinas.
