Tinatayang Php180,000 halaga ng marijuana seedlings ang nadiskubre ng mga operatiba ng Benguet PNP sa isinagawang marijuana eradication sa Sitio Lanipew, Tacadang, Kibungan, Benguet noong ika-23 ng Agosto 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pagsisikap ng pinagsanib na pwersa ng mga pulisya sa pangunguna ng Kibungan MPS, Provincial Intelligence Unit/Provincial Drug Enforcement Unit, Benguet Police Provincial Office, Regional Intelligence Division-PRO CAR at Philippine Drug Enforcement Agency-CAR.
Ang operasyon ay nagresulta sa pagkadiskubre ng dalawang plantasyon ng marijuana seedlings na may lawak na 13 square meters at may nakatanim na 4,500 piraso ng marijuana seedlings at nagkakahalaga ng Php180,000 Standard Drug Price.
Lahat ng nadiskubreng marijuana seedlings ay naidokumento at sinunog sa mismong lugar.
Pinuri naman ni PCol Bayongasan ang mga operatiba sa kanilang matagumpay na operasyon at sinisiguro naman na lalo pang paiigtingin ang kanilang kampanya kontra sa ilegal na droga, gayundin upang matuldukan ang paglaganap ng pinagbabawal na gamot sa kanilang nasasakupan.
Ang pagpuksang ito ng PNP ay patuloy na pagsuporta sa kasalukuyang administrasyon na naglalayong maging ilegal drug free ang ating bansa tungo sa mas progresibong Bagong Pilipinas.
