Naaresto sa pinagsamang puwersa ng mga tauhan mula sa Candon City Police Station at ng mga tauhan ng Binmaley Municipal Police Station (MPS) ang Top 3 Most Wanted Person sa City Level sa Barangay San Isidro Sur, Binmaley, Pangasinan noong Agosto 23, 2024, bandang 11:30 ng umaga.
Kinilala ang suspek na si alyas “Manuel”, 72 taong gulang, may asawa, retiradong traffic enforcer at residente ng Barangay San Juan, Candon City, Ilocos Sur.
Ang suspek ay wanted sa kasong Acts of Lasciviousness sa ilalim ng Article 336 ng RPC na may kaugnayan sa Seksyon 5 (b) ng Republic Act 7610 na may rekomendang piyansa na nagkakahalaga ng Php200,000.
Ang PNP ay patuloy sa pagsugpo sa mga taong nagkasala sa batas at mabigyan ng hustisya ang kanilang mga naging biktima.
Source : Candon CPS
Panulat ni PMSg Carmela g Danguecan
