Timbog ang isang lalaking nahulihan ng ilegal na droga at baril sa ikinasang drug buy-bust operation ng Dumangas Municipal Police Station-Special Drug Enforcement Team sa Barangay Pulao, Dumangas, Iloilo nito lamang ika-21 ng Agosto 2024.
Kinilala ang suspek na si alyas “Atong”, 47 anyos, walang asawa, walang trabaho at residente ng Barangay Pulao, Dumangas, Iloilo.
Nakumpiska ang humigit-kumulang 50 gramo ng pinaghihinalaang shabu na may Standard Drug Price na tinatayang Php340,000, isang caliber .38 na revolver, 13 piraso ng bala, at iba pang non-drug items.
Ang suspek ay mahaharap sa kasong paglabag sa Republic Act 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act”.
Ang Iloilo PNP ay patuloy ang pagsusumikap na labanan ang ilegal na droga para sa isang lipunang ligtas at progresibo tungo sa Bagong Pilipinas.
Source: ILOILO PPO
Panulat ni Pat Ryza Valencia
