Timbog sa ikinasang isang araw na operasyon ng mga operatiba ng Southern Police District ang 88 na Wanted Persons na may iba’t ibang uri ng kaso nito lamang Sabado, Agosto 17, 2024.
Ayon kay SPD Director Police Brigadier General Leon Victor Z. Rosete, nag-umpisa ang operasyon mula 12:01 ng madaling araw hanggang 12:00 ng hating gabi ng Sabado.
Nakapagtala ng kabuuang 88 Wanted Persons ang naaresto sa 24 na oras na operasyon.
Ito ay nagresulta ng pagkakadakip sa 10 Top Most Wanted Person, 39 Most Wanted Person at 39 na iba pang wanted na indibidwal.
Nakatuon ito sa pagsisikap ng pulisya sa pagpapanatili ng kaligtasan ng publiko at pagtataguyod ng batas.
“Ang operasyong ito ay nagpapakita ng aming matatag na pangako sa pangangalaga sa aming komunidad at pagpapanagot sa mga kriminal”, ani PBGen Rosete.
Source: SPD PIO
