Nasabat ang tinatayang Php102,000 halaga ng hinihinalang shabu mula sa isang Street Level Individual nito lamang Agosto 20, 2024 sa Purok 3A, Barangay Poblacion, Banaybanay, Davao Oriental.
Kinilala ni Police Captain Bryan G Conson, Officer-In-Charge ng Banaybanay Municipal Police Station, ang suspek na si alyas “Payat”, 25 anyos at residente ng Purok Mansanitas Gante, Magugpo, Tagum City, Daval del Norte.
Ang suspek ay naaresto sa isinagawang joint buy-bust operation na pinangunahan ng RPDEU 11 katuwang ang nasabing istasyon.
Narekober naman mula sa suspek ang humigit kumulang 15 gramo ng hinihinalang shabu at mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang Police Regional Office 11 sa pamumuno ni Regional Director Police Brigadier General Nicolas D Torre III ay patuloy na nagsusumikap upang labanan ang krimindad at panatilihin ang kapayapaan at kaayusan tungo sa kaunlaran alinsunod sa kampanya ng Bagong Pilipinas.
Panulat ni Patrolwoman Shairra Rose A Aquino
