Tinatayang Php442,000 halaga ng hinihinalang shabu ang nakumpiska ng mga awtoridad sa isang High Value Individual sa isinagawang buy-bust operation sa Barangay Lourdes North West, Lungsod ng Angeles nito lamang Lunes, ika-19 ng Agosto 2024.
Pinangunahan ito ng mga operatiba ng ACDEU (Anti-Crime and Drug Enforcement Unit) at Police Station 2 ng Angeles City Police Office, sa ilalim ng pamumuno ni PSSg Gary Virgines, sa pamumuno ni Police Captain Mark Anthony C. Pangilinan, Acting Chief ng ACDEU, at sa koordinasyon ng PDEA RO3.
Kinilala ang naarestong suspek na si alyas “Brandon”, 23 anyos, isang High Value Individual, walang trabaho at residente ng Higante St., Lourdes North West, Angeles City.
Nakumpiska mula sa suspek ang isang pirasong heat-sealed transparent plastic sachet na naglalaman ng hinihinalang shabu, isang pirasong knot-tied transparent plastic pack na naglalaman ng tinatayang 65 gramo na nagkakahalaga ng Php442,000 at isang genuine Php1,000 bill, siyam na piraso ng boodle money at isang color black pouch.
Mahaharap ang suspek sa kasong paglabag sa Seksyon 5 at 11, Artikulo II ng Republic Act 9165 o “Comprehensive Dangerous Drugs Act of 2002”.
Patuloy ang Angeles PNP sa pagpapaigting ng kampanya laban sa ilegal na droga upang tiyakin ang kaligtasan at seguridad ng mga mamamayan sa kanilang nasasakupan tungo sa Bagong Pilipinas.
