Arestado ang isang mangingisda sa kasong carnapping sa pinagsamang puwersa ng Alaminos City Police Station at Maritime Law Enforcement Team (MLET) noong Agosto 17, 2024.
Ang operasyon ay isinagawa sa Barangay Tanaytay, Alaminos City, Pangasinan, kung saan nahuli si alyas “Michael”, 36, residente ng Barangay Baybay Norte, Sual, Pangasinan.
Naaresto ang suspek sa bisa ng Warrant of Arrest sa kasong carnapping na may piyansa para sa kanyang pansamantalang paglaya na nagkakahalaga ng Php300,000.
Patuloy ang pulisya sa operasyon laban sa mga taong may pananagutan sa batas at mabigyan ng hustisya ang kanilang mga naging biktima.
Source: Alminos CPS
Panulat ni PMSg Carmela Danguecan
