Dalawang indibidwal ang naaresto sa isinagawang drug buy-bust operation ng Station Drug Enforcement Team – Iloilo City Police Station 1 sa Muelle Loney, City Proper, Iloilo City nito lang ika-19 ng Agosto 2024.
Ayon kay Police Captain Roque Gimeno III, hepe ng Police Station 1, ang suspek ay kinilalang si alyas “Dodong”, 38 anyos, nagtago ng pinaghihinalaang shabu at ang isa pang kasama nito ay si alyas “Angel”, 18 anyos na nagsilbi namang runner.
Ayon pa kay PCpt Gimeno III, tumatanggap ng supply ng ilegal na droga ang suspek at ipinapasa ito sa kanyang mga runner na nahuli sa drug buy-bust operation ng pulisya. Ang mga parokyano umano nito ay mga kalapit na barangay lang.
Nasamsam ang 20 sachets ng pinaghihinalaang shabu na may bigat na humigit-kumulang 72 gramo na may Standard Drug Price na tinatayang Php489,600.
Nahaharap ang mga suspek kasong paglabag sa Republic Act 9165 o Comprehensive Dangerous Drugs Act of 2002”.
Hindi tumitigil ang Iloilo City PNP na wakasan ang ganitong ilegal na operasyon sa kanilang nasasakupan para masigurado ang isang Drug Free Western Visayas.
Source: Aksyon Radyo Iloilo
Panulat ni Pat Ryza Valencia
