Timbog ang isang 21 anyos na tinaguriang Top 10 Regional Most Wanted Person sa ikinasang operasyon ng mga awtoridad sa Davao Global Town Center, Matina, Davao City nito lamang Agosto 18, 2024.
Kinilala ni Police Lieutenant Colonel Dominador L Palgan Jr., Hepe ng Kidapawan City Police Station, ang suspek na si alyas “Win”, 21 anyos, binata, construction worker at residente ng Barangay San Isidro, Kidapawan City.
Ayon kay PLtCol Palgan Jr., bandang 4:30 ng hapon nang matagumpay na naaresto ang suspek sa bisa ng Warrant of Arrest para sa kasong Statutory Rape.
Sa Bagong Pilipinas, ang PNP ay patuloy sa pagsasagawa ng mga operasyon lalo na sa pagtugis ng mga wanted persons upang manatiling maayos at ligtas ang ating komunidad.
Panulat ni Patrolwoman Flora Mae Asarez
