Timbog ang isang High Value Individual at nasamsam ng mga awtoridad ang mga pakete na naglalaman ng pinaghihinalaang shabu sa ikinasang drug buy-bust operation sa Barangay Paco, Kidapawan City, North Cotabato nito lamang umaga ng Biyernes, Agosto 16, 2024.
Kinilala ang nahuling indibidwal na si alyas “Jan-Jan”, 46 anyos, na residente ng Barangay Poblacion, Digos City.
Naging matagumpay ang naturang operasyon sa pinagsanib pwersa ng Regional Police Drug Enforcement Unit 12 (lead unit), Kidapawan City Police Station, Regional Special Operations Group 12, Regional Intelligence Unit 12, PEG SOU 12, RID 12, 1st CPMFC at CPPO-PDEU.
Nasamsam mula sa suspek ang anim na pakete ng transparent plastic sachets ng pinaghihinalaang shabu na may kabuuang timbang na 115 gramo at nagkakahalaga ng Php782,800.
Mahaharap ang suspek sa kasong paglabang sa Republic Act 9165 o “Comprehensive Dangerous Drugs Act of 2002”.
Samantala, patuloy ang buong hanay ng PNP sa kampanya laban sa ilegal na droga upang mapanatili ang kaayusan at kapayapaan ng ating bansa.
Panulat ni Patrolwoman Medelin
