Nakumpiska ang tinatayang Php1,026,800 halaga ng shabu, mga armas at bala habang arestado ang limang indibidwal sa isinagawang drug buy-bust operation sa Barangay Ambadao at Barangay Montay, Datu Piang, Maguindanao del Sur, noong ika-17 ng Agosto 2024.
Kinilala ang mga naarestong apat na High Value Indibidwal na sina alyas “Dido”, alyas “Jojo”, alyas “Anton”, at alias “Jerry” na pawang mga residente ng Barangay Ambadao, Datu Piang, Maguindanao del Sur habang nahuli naman sa kabilang operasyon si MILF Platoon Commander na kinilala bilang si alyas “Doming”.
Naging matagumpay ang naturang operasyon dahil sa pinagsanib pwersa ng mga tauhan ng PDEA BARMM Drug Enforcement Unit, Maguindanao del Sur PNP, NBI BARMM, Philippine Army at National Intelligence Coordinating Agency (NICA) BARMM, na nagresulta sa pagkakaaresto ng mga suspek at pagkakakumpiska ng mga kaukulang ebidensya.
Nakuha mula operasyon ang may kabuuang Php1,026,800 halaga ng shabu; M60 riffle, isanf BAR unit, mga magazine at bala.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang mga naarestong suspek at kasong paglabag sa RA 10591 o Comprehensive Firearms and Ammunition Regulation Act naman laban kay alyas Dido.
Patuloy ang kampanya ng pamahalaan upang mabawasan ang ilegal na droga sa bansa na walang ibang dulot kundi karahasan at pagkasira ng kinabukasan ng ating kabataan.
Panulat ni Patrolwoman Veronica Laggui
