Tinatayang Php1,200,000 halaga ng Fully Grown Marijuana Plants ang nadiskubre ng mga operatiba ng Benguet PNP sa isinagawang marijuana eradication sa Kibungan, Benguet nito lamang Huwebes, ika-15 ng Agosto 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pagsisikap ng pinagsanib na pwersa ng mga pulisya sa pangunguna ng 1st Provincial Mobile Company; Kibungan Municipal Police Station; Provincial Intelligence Unit/Provincial Drug Enforcement Unit, Benguet Police Provincial Office; at Philippine Drug Enforcement Agency-CAR.
Ang operasyon ay nagresulta sa pagkadiskubre ng isang plantasyon ng marijuana na may tinatayang lawak na 750 square meters at may nakatanim na 6,000 piraso ng Fully Grown Marijuana Plants na nagkakahalaga ng PhP1,200,000 standard drug price.
Bagamat walang nahuling cultivator, lahat ng nadiskubreng marijuana ay naidokumento at sinunog sa mismong lugar.
Pinuri naman ni PCol Bayongasan ang mga operatiba sa kanilang matagumpay na operasyon at sinisiguro naman na lalo pang paiigtingin ang kanilang kampanya kontra sa ilegal na droga, gayundin upang matuldukan ang paglaganap ng pinagbabawal na gamot sa kanilang nasasakupan.
