La Trinidad, Benguet (February 2, 2022) – Personal na dinaluhan at sinaksihan ni Police Brigadier General Ronald Lee, Regional Director, Police Regional Office Cordillera (PROCOR), kasama si Police Colonel Reynaldo Pasiwen, Provincial Director, Benguet Police Provincial Office (PPO), ang pagturn-over ng mga baril at bala ng mga dating rebelde sa Benguet Provincial Capitol, La Trinidad, Benguet noong Pebrero 2, 2022.
Nakatanggap ang tatlong dating rebelde ng tulong pinansyal mula kay Governor Melchor Diclas at mula sa ilalim ng programa ng pamahalaan na Enhanced Comprehensive Local Integration Program o ECLIP.
Pinuri ni PBGen Lee ang ipinakitang katapangan ng mga dating rebelde na nagbalik-loob sa pamahalaan.
Hinikayat din niya ang iba pang mga miyembro at taga-suporta ng teroristang grupo na sumuko na rin sa mga awtoridad.
Samantala, sa Facebook post naman ng Governor’s Office-Benguet, ay pinasalamatan ni Gov. Diclas ang Philippine National Police dahil sa patuloy na pagsisikap para sa mahusay at epektibong pagpapatupad ng “Whole of the nation approach” kontra insurhensiya.
Source: PROCOR PIO
Read: https://www.facebook.com/permalink.php?story_fbid=486022986424698&id=100050510018739
####
Panulat ni Patrolman Josua M Reyes, RPCADU COR
Sana lahat sumuko n at magbalik loob s gobyerno
Para sa kapayapaan