Sa ilalim ng programang “BARANGAYanihan” o Bayanihan sa Barangay ng PNP, ang mga tauhan ng 2nd Palawan Provincial Mobile Force Company na pinamumunuan ni PLtCol Mhardie R Azares, Force Commander, ay nakiisa at sumuporta sa 3rd Operation Tuli, Libreng Gupit, at Feeding Program ng “Ate Si Kuya Association” o ASKA sa pangunguna ni Ms. Cherry Maigne S. Bulong, ASKA President.
Ang nasabing aktibidad ay sinuportahan din ng Roxas LGU sa pangunguna ni Hon. Dennis M. Sabando, Municipal Mayor kasama ang Marine Battalion Landing Team 3 na kinatawan ni Cpt Dennis D Sadlay, PN (M), CMO Officer; mga opisyales ng Brgy. 3, Roxas, Palawan sa pamumuno naman ni Hon. Jesus V. Miraflores; at mga volunteered nurse mula sa Roxas.
Ito ay ginanap sa mismong covered court ng barangay kung saan 60 kabataan ang nakapag-avail ng libreng tuli, 33 indibidwal naman sa libreng gupit at mahigit sa 100 katao ang nabusog sa naging feeding program
nito.
Malaking pasasalamat din ng lahat ng naging benepisyaryo ng kanilang programa.
Layunin nito na maitaguyod at mapalakas ang mabuting ugnayan ng bawat ahensiya ng pamahalaan at sa pamayanan nito.
Gayundin ang pagkakaroon ng matibay na ugnayan sa mga stakeholders ng PNP na katuwang nito sa lahat ng adhikain at adbokasiya sa pamamagitan ng diwa ng “Bayanihan” upang tumulong sa pamayanan lalo na ngayong panahon ng pandemya.
####
Article by: Pat Mark M Manuba – RPCADU 4B
