Binigyang parangal ang mga karapat-dapat na mga tauhan ng Police Commissioned Officers, Non-Commissioned Officers at Non-Uniformed Personnel (NUP) ng Police Regional Office (PRO) 13 kasabay ng Traditional Monday Flag Raising Ceremony na ginanap sa Camp Col Rafael C Rodriguez, Butuan City nito lamang Agosto 12, 2024.
Ayon kay Police Brigadier General Alan M Nazarro, Regional Director ng PRO 13, ginawaran ng Medalya ng Kagalingan sina PLt Frederick O Infante at PMSg Emmanuel C Sumubay ng San Jose Municipal Police Station (MPS), Dinagat Islands Police Provincial Office (PPO) para sa matagumpay na pagsasagawa nila ng anti-operation ng ilegal na droga noong Hulyo 22, 2024, sa Purok 2, Barangay Matingbe, San Jose, Dinagat Islands.
Samantala, Medalya ng Kasanayan naman ay iginawad kina Police Lieutenant Colonel Reynante N Sibanton at PEMS Veronica P Telin Jr. ng Regional Special Training Unit 13, para sa kanilang makabuluhang kontribusyon sa pagkamit ng 100% accomplishment sa Regional Training Action Plan.
Binigyan din ng pagkilala si NUP Cheryl C Oculam sa kanyang kahanga-hangang pagganap bilang Crime Registrar ng San Agustin MPS, Surigao del Sur PPO sa loob ng mahigit siyam na taon.
“May you sustain your exemplary deeds and be the epitome of remarkable conduct in your respective units,” ani RD Nazarro.
Panulat ni Patrolwoman Karen Mallillin
