Nagsagawa ng Livelihood Training Program ang mga tauhan ng Maria Aurora Municipal Police Station sa pamamagitan ng paggawa ng sabon para sa mga miyembro ng kababaihan at mga opisyal ng Barangay 2, Maria Aurora, Aurora nito lamang Sabado, ika -10 ng Agosto 2024.
Ang naturang aktibidad ay pinangunahan ng mga tauhan ng Maria Aurora Police Station, sa pangunguna ni Police Lieutenant Susana S. España, Invest/Operation Officer, sa ilalim ng pamumuno ni Police Major Ferdinand B. Usita, Chief of Police.
Ang paggawa ng sabon ay isa sa mga pinakamadaling paraan upang magsimula ng isang maliit na negosyo na maaaring makatulong sa pangkabuhayan ng pamilya.
Binigyan ng PNP ang mga kababaihan ng pagkakataon na matuto ng mga bagong kasanayan na magagamit para sa kanilang personal na paglago at pangkabuhayan.
Layunin ng programang ito na hikayatin ang mga kababaihan na maging aktibo sa mga livelihood na proyekto upang makatulong sa kanilang mga pamilya na magkaroon ng mas magandang buhay.
