Nakatanggap ng espesyal na parangal ang Police Regional Office 2 sa pamumuno ni Police Brigadier General Christopher C Birung, Regional Director sa pagdiriwang ng 123rd Police Service Anniversary na may temang “Sa Bagong Pilipinas, ang Gusto ng Pulis, Ligtas Ka!” sa Camp Brigadier General Rafael T Crame, Quezon City noong ika-8 ng Agosto 2024.
Pinangunahan ni Pangulong Ferdinand R Marcos Jr., Pangulo ng Pilipinas, bilang panauhin ng programa kasama si Police General Rommel Francisco Marbil, Chief, Philippine National Police ang pagtitipon.
Nakapagtala ang Gallant Valley Cops ng 335 Top Most Wanted Persons, 287 Most Wanted Persons, 3,008 pang wanted na tao at pagkakadakip ng Potential Private Armed Groups (PPAGs) sa Rehiyon 2 at Komiteng Rehiyon Cagayan Valley ng Communist Party of the Philippines-New People’s Army (CPP-NPA) na malaki ang kontribusyon sa nagawa ng kapulisan ng rehiyon sa kampanya nito laban sa mga wanted persons na naging basehan sa pagkamit ng espesyal na parangal para sa pagkakaroon ng pinakamataas na bilang ng mga naarestong wanted sa porsyento, higit sa lahat ng iba pang Police Regional Offices sa bansa.
Ang natatanging tagumpay na ito ay sumasalamin sa walang humpay na pagsisikap ng PRO2 sa pagtataguyod ng batas at kaayusan sa rehiyon ng Cagayan Valley at ang patuloy sa pagpapatupad ng sinumpaang tungkulin kontra kriminalidad upang magkaroon ng maunlad na bansa para sa sambayanang Pilipino tungo sa Bagong Pilipinas.
Source: Police Regional Office 2
Panulat ni Pat Donnabele R Galang
