Tinatayang Php346,800 halaga ng shabu ang nasamsam ng mga otoridad sa isang High Value Individual (HVI) sa Purok Mangga 2, Barangay Poblacion I, Lebak, Sultan Kudarat nito lamang Agosto 8, 2024.
Kinilala ni Police Lieutenant Colonel William L Facsoy Jr, Chief of Police ng Lebak Municipal Police Station, ang suspek na si alyas “Nord”, 49 anyos, may asawa at residente ng Purok Bougainvillea, Barangay Poloy-Poloy, Lebak, Sultan Kudarat.
Naaresto ang suspek bandang 12:40 ng tanghali sa ikinasang buy-bust operation sa pinagsamang elemento ng Municipal Drug Enforcement Unit, Lebak Municipal POlice Station, Sultan Kudarat Provincial Intelligence Unit at Sultan Kudarat Provincial Drug Enforcement Unit.
Nakumpiska mula sa suspek ang limang pirasong big-sized heat-sealed transparent plastic sachet na naglalaman ng hinihinalang shabu na tumitimbang ng 51 gramo na nagkakahalaga ng Php346,800 at isang pirasong Php1,000 bill bilang marked money; Php1,000 bill bilang boodle money.
Nakuha rin mula sa suspek ang isang unit ng Caliber .45 na may mga defaced markings, chamber loaded, magasin na may anim na bala, isang pirasong brown wallet at gray coin purse.
Bilang pagsuporta sa programa sa pakikipaglaban sa problema ng ilegal na droga, ang buong hanay ng PNP ay patuloy na paiigtingin ang paghuli sa mga taong nagpapalaganap ng ipinagbabawal na gamot upang mapanatili ang kaayusan at kaligtasan ng ating komunidad tungo sa Bagong Pilipinas.
Panulat ni Patrolwoman Rhesalie Umalay
