Nasamsam ang mahigit kalahating milyong halaga ng droga sa isang magsasaka sa isinagawang buy-bust operation ng mga otoridad sa Zone 6, Barangay Cadiz, Kalamansig, Sultan Kudarat nito lamang Agosto 8, 2024.
Kinilala ang suspek na si alyas “Manny”, 52 anyos, magsasaka at residente ng naturang lugar.
Ayon sa ulat ng Kalamansig Municipal Police Station, naaresto ang suspek sa pagsisikap ng Kalamansig MPS, SKPIU/PDEU, RID12 Tracker Team Delta at 2nd SKPMFC.
Nasamsam mula sa suspek ang kabuuang 80 gramo ng plastic sachet ng pinaghihinalaang shabu na nagkakahalaga ng Php544,000, mga perang ginamit sa operasyon at iba pang non-drug items.
Alinsunod sa direktiba ni Pangulong Ferdinand “Bongbong” R Marcos Jr., na pagpapalawig sa seguridad sa bansa, tiniyak naman ng PNP na patuloy ang kanilang hanay sa pagsasagawa ng mga operasyon para sa mabilisang pagsugpo sa mga ilegal na aktibidad at mapanatiling mapayapa ang komunidad.
Panulat ni Patrolwoman Flora Mae Asarez
