Nasabat ang tinatayang Php4,828,000 halaga ng shabu mula sa dalawang drug personality nito lamang ika-11 ng Agosto 2024 sa Villa Josefina, Purok Sto. Nino, Barangay Dumoy, Davao City.
Kinilala ni Police Major Harold S Untalan, Acting Station Commander ng Baliok Police Station, ang mga suspek na sina alyas “Gar”, 34 anyos na tinaguriang Top 1 Regional Drug Personality at alyas “Dennis”, 37 anyos, pawang mga residente ng nasabing lungsod.
Ang mga suspek ay naaresto sa isinagawang buy-bust operation ng mga tauhan ng Baliok Police Station at narekober mula sa mga ito ang 710 gramo ng hinihinalang shabu na may tinatayang halaga na Php4,828,000 at nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang pamahalaan at PNP ay nakatuon sa kampanya laban sa ilegal na droga. Ang pagsisikap na ito ay lubos na nakadepende sa pakikipagtulungan at suporta ng komunidad, na may iisang hangarin para sa isang mapayapang bansa.
Panulat ni Patrolwoman Shairra Rose A Aquino
