Nakiisa ang Police Regional Office (PRO) 13 sa synchronized 11th session ng Kapihan sa Bagong Pilipinas na pinangunahan ng Philippine Information Agency (PIA) na ginanap sa Multi-Purpose Hall, Camp Col Rafael C Rodriguez, Butuan City nito lamang Agosto 6, 2024.
Pinangunahan ni Police Brigadier Alan M Nazarro, Regional Director ng PRO 13, ang nasabing aktibidad at nagsilbing resource speaker sa programa, na sabay-sabay na ipinalabas sa pamamagitan ng live telecast sa mga multi-media platforms.
Itinampok sa programa ang mga milestone na sumasaklaw sa operational, administrative, at logistical achievements ng PRO 13 mula Hunyo 30, 2022, hanggang Hunyo 30, 2024.
Ang “Kapihan sa Bagong Pilipinas” ay isang inisyatibo ng Presidential Communications Office sa pamamagitan ng PIA upang palakasin ang mga patakaran, aktibidad, at tagumpay ng kalahok na ahensya sa ilalim ng administrasyon ni Pangulong Ferdinand “Bongbong” R. Marcos Jr., na ang tatak ng pamumuno at pamamahala ay nakaangkla sa Bagong Pilipinas.
“Kami ay nagpapasalamat na ang platform na ito ay umiiral bilang isang lugar para sa amin upang ipakalat ang mga kinakailangang impormasyon sa publiko. Nananawagan kami sa publiko na tulungan kami sa aming pagsugpo sa krimen at mga pagsusumikap sa paglutas ng krimen dahil ang kaligtasan ng publiko ay isang shared responsibility,” ani PBGen Nazarro.
Panulat ni Patrolwoman Karen Mallillin
