Hinatulan na ng korte na “Guilty beyond reasonable doubt” ang dalawang miyembro ng Communist Party of Philippines-New People’s Army (CPP-NPA) sa kasong illegal possession of firearms sa Roxas, Oriental Mindoro sa Branch 43 Regional Trial Court nito lamang Agosto 07, 2024.
kinilala sina Arnulfo Aumentado alyas Aryo/Inod at Mary Joyce Lizada alyas “Louise” na miyembro ng makakaliwang grupo ay naaresto noong Abril 26, 2023 sa Barangay Santa Teresita, Mansalay, Oriental Mindoro ng mga tauhan ng Philippine Army.
Nasabat mula sa kanila ang isang Carbine rifle, chamber-loaded Intratec submachine gun, isang improvised hand grenade at dalawang piraso ng blasting caps.
Agaran namang nagsagawa ang Mansaylay PNP ng maigting na imbestigasyon laban sa dalawang miyembro ng NPA na lumabag sa batas at sila ay sinampahan ng kasong Illegal Possession of Firearms.
Dahil sa pagsisikap ng mga kapulisan, mabilis na umusad ang kaso laban sa mga suspek. Ito ay dahil sa matagumpay at masusing imbestigasyon ng mga tauhan ng Mansalay PNP at 4th Infantry Battalion Army, pati na rin sa pakikipagtulungan ng lokal na komunidad at iba pang ahensya. Ang tagumpay na ito ay malaking bahagi ng kontribusyon ng PNP.
Ito ang bunga ng dedikasyon at pagtupad sa sinumpaang tungkulin ng ating mga kapulisan sa trabaho at pakikiisa sa hangarin ng ating gobyerno sa laban natin kontra terorismo.
Panulat ni Pat Joebet Balana
