Nasabat sa ikinasang buy-bust operation ng mga tauhan ng Taguig City Police Station ang tinatayang Php816,000 halaga ng shabu na nagresulta sa pagkakadakip sa apat na suspek sa Lower Bicutan, Taguig City nito lamang Martes, Agosto 6, 2024.
Pinangalanan ni Police Brigadier General Leon Victor Z Rosete, District Director ng Southern Police District, ang mga naarestong suspek na sina alyas “Mark”, 50; alyas “Romaila” 32; alyas “Kailyn” 20; at alyas “Mohiddin”, 26.
Naganap ang operasyon dakong 10:15 ng gabi ng pinasanib-puwersa na District Drug Enforcement Unit (DDEU) ng Southern Police District (SPD) na may koordinasyon sa District Intelligence Division (DID), Philippine Drug Enforcement Agency – Southern District Office (PDEA-SDO), District Special Operations Unit (DSOU), District Mobile Force Battalion (DMFB), at Sub-Station 10 ng Taguig City Police Station.
Reklamo para sa paglabag sa Republic Act 9165 ang kakaharapin ng mga suspek.
Patuloy ang Taguig PNP sa pagsagawa ng operasyon laban sa anumang uri ng kriminalidad upang mapanatili ang ligtas na seguridad at kapayapaan sa ating bansa tungo sa Bagong Pilipinas.
Source: SPD PIO
Panulat ni PSSg Remelin Gargantos
