Pinarangalan ni Philippine National Police (PNP) Chief, Police General Rommel Francisco D Marbil ang mga pulis na sangkot sa matagumpay na rescue operation sa Angeles City, Pampanga noong Agosto 3, 2024 na nagresulta sa pagsagip sa dalawang Chinese National at pagkakaaresto sa dalawang kidnapper. Gayunman, sa insidente, naganap ang trahedyang pagkamatay ng isang opisyal at pagkasugat ng isa pa.
Sugatan sa isinagawang rescue operation ang mga matatapang na opisyal na sina Police Staff Sergeant Nelson Santiago at Police Chief Master Sergeant Eden Accad.
Idineklarang dead on arrival sa Angeles University Foundation Medical Center si PSSg Santiago, habang kasalukuyang ginagamot si PCMS Accad dahil sa kanyang natamong mga sugat.
Bilang pagkilala sa kanyang katapangan at dedikasyon, iginawad ni PGen Marbil ang Medalya ng Kadakilaan kay PSSg Santiago at nagpaabot ng tulong pinansyal sa kanyang naiwang pamilya sa kanyang pagbisita sa tirahan nito.
“Hindi masusukat ang katapangan at sakripisyo ng ating mga opisyal. Iginagalang natin ang kanilang tapang at sisiguraduhin nating maihahatid ang katarungan,” ani PGen Marbil.
Umaga ng Agosto 6, 2024 binisita ni Chief PNP Gen Marbil ang sugatang PCMS Accad sa Angeles University Foundation Medical Center, Angeles City, Pampanga, upang ipaabot ang kanyang suporta at matiyak na maibibigay ang pinakamainam na pangangalaga. Iginawad niya ang Medalya ng Kadakilaan at Medalya ng Sugatang Magiting at nagbigay din ng tulong pinansyal sa sugatang opisyal.
“Patuloy nating itataguyod ang ating pangako na tiyakin ang kaligtasan at seguridad ng publiko habang sinusuportahan ang mga pamilya ng ating mga tauhan na nagsasapanganib ang kanilang buhay sa pagtupad ng tungkulin,” ani pa ni PGen Marbil.
“We will continue to uphold our commitment to ensuring public safety and security while supporting the families of our personnel who risk their lives in the line of duty,” MARBIL added.
