Nasabat ng Cebu City PNP ang higit Php2 milyong halaga ng hinihinalang shabu sa isang High Value Individual na suspek sa isinagawang buy-bust operation sa Sitio Front Blessed, Barangay Tejero, Cebu City, noong ika-4 ng Agosto 2024.
Kinilala ni Police Major John Lynbert C Yango, Station Commander ng Police Station 3, Cebu City Police Office, ang suspek na si alyas “Entong”, 20 anyos at residente ng Sitio Puntod, Barangay Mambaling, Cebu City.
Bandang 8:45 ng gabi ng ikinasa ang operasyon na nagresulta sa pagkaaresto ng suspek at pagkasabat ng 19 pakete ng hinihinalang shabu na may timbang na 300 gramo at may Standard Drug Price na Php2,040,000 at buy-bust money.
Nahaharap ang suspek kasong paglabag sa Republic Act 9165 o Comprehensive Dangerous Drugs Act of 2002.
Ang kapulisan ng Cebu City ay patuloy na nagsusumikap na mas paigtingin pa ang kampanya laban sa ilegal na droga at anumang uri ng kriminalidad dahil sa Bagong Pilipinas, ang gusto ng pulis, ligtas ka!.
Source: CCPO SR
Panulat ni Pat Grace Coligado
