Nagsagawa ang mga tauhan ng Bacuag Municipal Police Station ng Anti-illegal Drugs Awareness at Bawal Bastos Law (Safe Space Act) Awareness sa mga kabataan na ginanap sa Barangay Pautao, Bacuag, Surigao del Norte nito lamang Agosto 3, 2024.
Pinangunahan ng mga tauhan ng Bacuag MPS sa pangunguna ni Police Captain Franklin P Parejo, Acting Chief of Police na tinalakay ni Police Staff Sergeant Janussa Q Galido, Jr., Admin/Assistant WCPD PNCO katuwang si Barangay Captain Hon. Rico T Elico, mga miyembro ng KKDAT at Barangay SK Officials sa ilalim ng pamamahala ni SK Chairman Hon. Romsnorbert Ugay Ibarra.
Ang aktibidad ay binigyang diin ang mga masasamang epekto ng ilegal na droga at nagbahagi ng batas na may kinalaman sa Bawal Bastos Law upang maging aktibong katuwang ang mga kabataan sa paglaban sa mga isyung may kinalaman sa droga at iba pang kaugnay na suliraning panlipunan.
Layunin ng nasabing aktibidad na turuan ang mga kabataan upang maliwanagan at makatulong sa pagpapalaganap ng impormasyon tungkol sa mga batas, tamang mga hakbangin sa pag-iwas, at mga programa para sa rehabilitasyon na maaaring magsilbing plataporma para sa pakikipagtulungan sa pagitan ng mga ahensya ng gobyerno, mga paaralan, at mga komunidad upang sama-samang labanan ang problema sa lipunan.
Patuloy ang Bacuag PNP sa pagsasagawa ng ganitong aktibidad upang palakasin ang “Buhay Ingatan, Droga’y Ayawan” (BIDA) program na isang mahalagang hakbang upang maiwasan ang mapanirang dulot ng droga at makamit ang isang ligtas na Bagong Pilipinas.
Panulat ni Patrolwoman Karen Mallilin
