Nasabat ang tinatayang Php609,900 halaga ng hinihinalang marijuana mula sa isang drug personality sa Purok 2, Barangay Tugbok Proper, Tugbok District, Davao City nito lamang Agosto 5, 2024.
Kinilala ni Police Major Vincent Ignacio B Follante, Acting Station Commander ng Tugbok Police Station, ang suspek na si alyas “Dominic”, 18 anyos at residente ng Purok 1-B, Barangay Lamanan, Calinan, Davao City.
Narekober mula sa nasabing suspek ang humigit kumulang 4.066 kilo ng hinihinalang marijuana at nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang Police Regional Office 11 sa pamumuno ni Regional Director Police Brigadier General Nicolas D Torre III ay patuloy na pinapaigting ang kampanya kontra kriminalidad alinsunod sa programa ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
