Nagsagawa ang mga personahe ng Baler Police Station ng Awareness Lecture sa Barangay 3, Baler, Aurora nito lamang Sabado, ika-3 ng Agosto 2024.
Pinangunahan ito ni Police Major Eduardo S Mendoza, Chief of Police ng Baler Police Station na dinaluhan ng School Parent Teacher Association (SPTA) General Assembly sa Baler Central School.
Ibinahagi sa talakayan ang mahahalagang paksa tulad ng Safe and Unsafe Touch Rules, Safe Spaces Act, at ang patuloy na Project Be Careful.
Malugod ang pagtanggap ng mga dumalo sa kaganapan, na pinuri ang komprehensibo at praktikal na impormasyong ibinahagi.
Patuloy ang pagpapaigting ng Pambansang Pulisya ng pakikipag-ugnayan sa mga mamamayan upang magbahagi ng mga impormasyon at kaalaman para maprotektahan ang bawat indibidwal sa kanilang nasasakupan at magkaroon ng maunlad na bansa para sa sambayanang Pilipino tungo sa isang Bagong Pilipinas.
Source: Baler Police Station
Panulat ni Patrolwoman Marimar Junio
