Arestado ng mga awtoridad ang tatlong Top Most Wanted Persons na pinaghahanap ng batas sa magkahiwalay na operasyon sa Taguig City nito lamang Agosto 2, 2024.
Ayon kay Police Brigadier General Leon Victor Z Rosete, District Director ng Southern Police District, naghain dakong 10:20 ng umaga sa harap ng isang superstore sa Arca South, Western Bicutan, Taguig City, ang mga tauhan ng Warrant and Subpoena Unit ng Taguig City Police Station ng Warrant of Arrest laban kay alyas “Marlon”, 42 anyos, na nakalista bilang Rank No. 9 sa Station Level, 3rd Quarter para sa Buwan ng Agosto 2024. Ang suspek ay may nakabinbing Warrant of Arrest para sa Paglabag sa Seksyon 39(e) ng Republic Act 3019 at Falsification sa ilalim ng Art. 172 ng RPC na may Php126,000 na piyansa.
Samantala, dakong 10:50 ng umaga sa kahabaan ng Veterans Road, Barangay Western Bicutan, Taguig City, nahuli si alyas “Jane”, 45 anyos, na tinaguriang Rank No. 10 sa Station Level, 3rd Quarter para sa Buwan ng Agosto 2024 para sa Paglabag sa Seksyon 39(e) ng RA 3019 at Falsification sa ilalim ng Art. 172 ng RPC na may Php126,000 na piyansa.
Panghuli, bandang 11:20 ng umaga, isinilbi din ang Warrant of Arrest sa kahabaan ng Ballecer St., Central Signal Village, Taguig City na nagresulta sa pagkakaaresto kay alyas “Brill”, 38 anyos, Rank No. 3 sa Station Level, 3rd Quarter para sa Buwan ng Agosto 2024 para sa Homicide (service of sentence).
Patuloy naman ang pagiging alerto ng Southern Metro Cops para madakip ang lahat ng may pananagutan sa batas upang maibigay ang hustisya sa mga biktima.
Source: SPD PIO
Panulat ni PSSg Remelin M Gargantos
