Arestado ng mga tauhan ng Sasa Police Station ang Top 9 City Drug Personality sa Durian St., Sto. Domingo 2, Barangay Pampanga, Davao City nito lamang Agosto 1, 2024.
Kinilala ni Police Major Marcille M Manzano, Acting Station Commander ng Sasa Police Station, ang suspek na si alyas “Bon-Bon”, 41 anyos at residente ng Mangosteen St., Sto. Domingo 2, Barangay Pampanga, Davao City.
Ang suspek ay naaresto sa isinagawang operasyon ng Sasa Police Station katuwang ang TSC RMFB 11 at narekober mula sa suspek ang 21.97 gramo na hinihinalang shabu na may Standard Drug Price na Php149,396 at nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang laban kontra kriminalidad ay patuloy na pinapaigting ng Police Regional Office 11 sa pamumuno ni Police Brigadier General Nicolas D Torre III, Regional Director alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
