Tatlong indibidwal ang naaresto sa isinagawang operasyon ng Philippine Drug Enforcement Agency (PDEA) 6 at PNP Drug Enforcement Group (PDEG) sa Barangay San Rafael, Mandurriao, Iloilo nito lang ika-30 ng Hulyo 2024.
Kinilala ang mga suspek na sina alyas “Kenneth”, 31 anyos, tagapangalaga ng drug den; alyas “Mae”, 25 anyos, residente ng Barangay Duran, City Proper; at alyas “John”, 34 anyos, residente naman ng Antique.
Ayon kay alyas “Kenneth” dahil sa problema nila sa pamilya, nagdesisyon silang tumira sa bakanteng lote sa Barangay San Rafael kung saan gumawa sila ng tirahan mula sa trapal kasama ang kanyang live-in partner na si alyas Mae. Inamin nila mismo na sila ay gumagamit ilegal na droga na dinadala lamang sa kanila.
Narekober sa mga suspek ang humigit kumulang 25 gramo ng pinaghihinalaang shabu na may Standard Drug Price na tinatayang Php170,000.
Nahaharap ang mga suspek kasong paglabag sa Republic Act 9165 o Comprehensive Dangerous Drugs Act of 2002.
Hindi tumitigil ang Iloilo City PNP sa kampanya laban sa ilegal na droga upang mapanatili ang kaayusan tungo sa isang Drug Free Western Visayas.
Source: XFM Radyo Patrol Iloilo
Panulat ni Pat Ryza Valencia
