Arestado ang dalawang tinaguriang Provincial Most Wanted Person sa manhunt operation ng Rizal PNP sa lalawigan ng Rizal nito lamang ika-27 ng Hulyo 2024.
Kinilala ni Police Colonel Felipe B Maraggun, Provincial Director ng Rizal Police Provincial Office, ang mga suspek na sina alyas “Bon”, 73 taong gulang, residente ng Rodriguez, Rizal at alyas “Joe”, 27 taong gulang, residente ng Binangonan, Rizal.
Naaresto si alyas “Bon” ng mga tauhan ng Rodriguez Municipal Police Station sa bisa ng Warrant of Arrest para sa kasong 2 Counts ng Lascivious Conduct na may piyansa.
Samantalang si alyas “Joe” naman ay naaresto ng mga tauhan ng Binangonan Municipal Police Station sa bisa ng Warrant of Arrest para sa kasong paglabag sa Republic Act 9165 o Comprehensive Dangerous Drugs Act of 2002.
Ang kapulisan ng Rizal ay magpapatuloy sa pagtugis sa mga nagkasala sa batas upang sila ay mapanagot at mabigyan ng hustisya ang kanilang mga naging biktima. Ang adhikain na ito ng Rizal PNP ay magbibigay ng kapanatagan na ligtas ang mamamayan ng Rizal.
Source: Rizal Police Provincial Office
Panulat ni Patrolwoman Angelica Rica S Teng
