Narekober ang tinatayang Php300,000 halaga ng smuggled cigarettes sa isinagawang operasyon ng mga awtoridad sa Bonsain River, Purok Barwin, Mother Barangay Kalanganan 2, Cotabato City noong ika-28 ng Hulyo 2024.
Ayon kay Police Captain Rustan P Deaño, Station Commander Cotabato City Police Station 3, bandang 11:20 ng gabi nang ikasa ang operasyon ng mga tauhan ng Cotabato City Police Station 3 katuwang ang City Mobile Force Company matapos makatanggap ng impormasyon tungkol umano sa isang sasakyang lulan ang mga hinihinalang smuggled na sigarilyo.
Nakuha mula sa naturang operasyon ang 20 kahon ng iba’t ibang brand ng sigarilyo na may tinatayang halagang Php300,000.
Ang PNP ay patuloy na magsasagawa ng masusing imbestigasyon upang matukoy ang kinaroroonan at para mapanagot ang nasa likod nito.
Panulat ni Patrolwoman Veronica Laggui
