Sumuko ang isang supporter ng Communist Terrorist Group (CTG) sa himpilan ng 1st Zamboanga Sibugay Mobile Force Company, sa Zamboanga Sibugay nito lamang ika-26 ng Hulyo 2024.
Kinilala ang sumuko na si alyas “Umang” (Non-PSR Listed), residente ng West Kumalarang, Zambaoanga Del Sur, supporter ng Bagong Hukbong Bayan (BHB).
Nagsilbi rin ang naturang CTG bilang isang courier, look out at caretaker ng komunistang grupo.
Patuloy naman ang paghikayat ng pamahalaan sa mga natitira pang miyembro ng CTG na sumuko na at gamitin ang tulong na iniaalok ng gobyerno sa pamamagitan ng E-CLIP at iba pang programa ng kasalukuyang administrasyon upang matulungan magkaroon ng bagong pananaw at mapayapang pamumuhay kasama ang kanilang pamilya.
