Nakumpiska ang tinatayang Php1,381,624 ng hinihinalang shabu sa ikinasang buy-bust operation sa Zone 6, Capisnon, Barangay Kauswagan, Cagayan de Oro City nito lamang Hulyo 24, 2024.
Ang naturang operasyon ay pinangunahan ng mga operatiba ng Regional Police Drug Enforcement Unit 10.
Kinilala ang suspek na isang alyas “Ren-ren”, 33 anyos, residente ng nasabing lugar at lumalabas sa talaan na isang transporter ng mga ilegal na droga sa iba’t ibang lugar ng lungsod.
Nakumpiska mula sa suspek ang 200 gramo ng hinihinalang shabu na may Standard Drug Price na Php1,381,624, isang motorsiklo, android cellphone at iba pang mga paraphernalia.
Mahaharap ang suspek sa kasong paglabag sa Sections 5 at 11, Article II ng Republic Act 9165 o Comprehensive Dangerous Drugs Act of 2002.
Ang Pambansang Pulisya ay hindi titigil sa pagpapaigting kontra ilegal na droga para sa pagpapanatili ng seguridad at kaligtasan ng nasasakupan.
