Boluntaryong nagbalik-loob sa pamahalaan ang apat na miyembro ng Communist Terrorist Group (CTG) sa mga awtoridad sa Barangay Zone 4, Koronadal City, South Cotabato nito lamang Hulyo 25, 2024.
Kinilala ni Police Lieutenant Colonel Hoover T Antonio, Hepe ng Koronadal City Police Station, ang mga sumuko na sina alyas “Mal”, 38 anyos, may asawa, magsasaka at residente ng Barangay Kabasalan, Pikit, North Cotabato; alyas “Pogi”, 39 anyos, may asawa, magsasaka at residente ng Barangay Kabasalan, Pikit, North Cotabato; alyas “Eps”, 34 anyos, may asawa, magsasaka at residente ng Sitio Alintukan, Pikit, North Cotabato; alyas “Junrex”, 31 anyos, may asawa, magsasaka at residente ng Barangay Kabasalan, Pikit, North Cotabato.
Ayon kay PLtCol Antonio, bandang 5:00 ng hapon nang magsagawa ng operasyon ang mga tauhan mula sa Counter Terrorism Division – Intelligence Group, RIU 12, RID 12, RSOG, SCPIU, 1st and 2nd SCPMFC at Koronadal City Police Station na nagresulta sa boluntaryong pagsuko ng nasabing dating Miyembro ng LTG BIFF Karialan Faction.
Ang pagbabalik-loob ng nasabing surrenderee ay representasyon na ang mga programa ng ating gobyerno sa pagwawakas ng insurhensiya at terorismo ay matagumpay na naipapatupad tungo sa pagkamit ng payapa at maunlad na Bagong Pilipinas.
Panulat ni Patrolwoman Rhesalie Umalay
