Boluntaryong sumuko sa pulisya ang isang Medical Staff ng Communist Terrorist Group (CTG) sa Barangay Dampil, Lagonglong, Misamis Oriental nito lamang Hulyo 22, 2024.
Kinilala ni Police Colonel Cholijun P Caduyac, Provincial Director ng Misamis Oriental Police Provincial Office, ang sumuko na si alyas “Bon”, 50 anyos, may asawa, magsasaka, residente ng Barangay Calabawan, Magsaysay, Misamis Oriental; miyembro ng Communist Terrorist Group sa ilalim ng Headquarters Force (HQF) NEO bilang isang Medical Staff.
Kasama sa isinuko ni “Bon” ang isang Caliber 45 na baril, isang magasin ng Caliber 45, walong bala ng Caliber 45, isang hand grenade at isang grenade launcher.
Indikasyon na epektibo ang Whole-of-Nation Approach ng pamahalaan at maraming mga CTGs ang nagbalik-loob at nagsimulang muli kasama ang kanilang pamilya at kaisa ng gobyerno sa pagsulong sa isang mapayapa at maunlad na Bagong Pilipinas.
Panulat ni Patrolwoman Junia Tria Molinos
