Nasabat ng Digos City Police Station ang mahigit Php1.1 milyong halaga ng D&G na sigarilyo mula sa apat na suspek nito lamang ika-25 ng Hulyo, 2024 sa Sitio Biao, Barangay Cogon, Digos City, Davao del Sur.
Kinilala ni Police Lieutenant Florante S Retes, Station Commander ng Digos City Police Station, ang mga suspek na sina alyas “Nasir”, 45 anyos; alyas “Pingkay”, 48 anyos; alyas “Leo”, 51 anyos; at alyas “Edgar”, 44 anyos.
Ang mga suspek ay naaresto sa pinagsanib na puwersa ng mga tauhan ng nasabing istasyon, Regional Intelligence Unit 11, RSOG 11 at PIU at narekober ang 70 reams ng D&G.
Samantala, ang Police Regional Office 11 sa pamumuno ni Regional Director Police Brigadier General Nicolas D Torre III, ay patuloy na pinapaigting ang laban kontra kriminalidad at smuggled cigarettes upang mapanatili ang kapayapaan at kaayusan sa Rehiyon Onse.
