Nakiisa ang mga tauhan ng Regional Police Community Affairs and Development Unit 2 sa ilalim ng pangangasiwa ni Police Colonel Efren Fernandez II, sa isinagawang Kick-off Brigada program na ginanap sa Dagupan Elementary School, Barangay Dagupan, Alicia, Isabela nito lamang Lunes, Hulyo 22, 2024.
Naging tema sa aktibidad ang “Bayanihan para sa MATATAG na Paaralan” kung saan pinangunahan ito ng Department of Education, School Division of Isabela, sa pamumuno ni Jesus D Antonio PhD, Chief Education Supervisor, sa pakikipagtulungan ng iba’t ibang ahensya ng Gobyerno tulad LGU Alicia, PLGU, DENR, PNP, BFP, stakeholders, mga miyembro ng 4Ps at Sangguniang Barangay ng nabanggit na lugar.
Nagsimula ang aktibidad sa pagtatanim ng mga puno na umabot sa 30 na punla ng Narra at 20 na fruit bearing trees bilang bahagi ng “Project TreeTY.”
Upang ipakita naman ang suporta ng nabanggit na mga ahensya ay matagumpay nakiisa at pumirma sa isinagawang Signing of “Project TreeTY” o Project Tree Thank you.
Layunin nito na ipadama ang suporta at pakikiisa ng Pambansang Pulisya kasama ang iba’t ibang ahensya ng gobyerno at komunidad upang matulungan ang paaralan sa paghahanda sa darating na pasukan para sa isang mapayapang bagong Pilipinas.
Source: RPCADU 2
