Tinangkilik at nilahukan ng mga Zumba Fanatics ang isinagawang Dance Fitness Activity ng mga tauhan ng Regional Community Affairs and Development Unit ng NCR (RCADU NCR) sa Barangay Batasan Hills, Quezon City nito lamang Sabado, ika-20 ng Hulyo 2024.
Ang aktibidad ay naisagawa sa pangunguna ni Police Major Marlon Banania, Deputy RPCADU-NCR sa ilalim ng pamumuno ni Police Lieutenant Colonel Randy Alagao, Acting Chief ng nasabing yunit kasama ang mga tauhan nito na naging mga dance instructors.
Sama-samang humataw ang grupo ng kababaihan na bigay todo sa pagsasayaw at labis ang kaligayahan sa ibinigay na serbisyo ng ating kapulisan.
Tampok din dito ang pamamahagi ng sash sa mga napiling mga kalahok na lubos ang ipinakitang talento.
Naglalayon ang aktibidad na makapag-ehersiyo ang ating mga kananayan sa ibinigay na libreng serbisyo ng pulisya para sa isang malusog at malakas na pangangatawan at ito din ang isang paraan upang mas lumakas pa ang ugnayan ng PNP at komunidad tungo sa isang progresibong pamayanan.
Panulat ni PSSg Remelin M Gargantos
