Nagsagawa ng Send-Off Ceremony ang National Capital Region Police Office para sa pagdedeploy ng kapulisan na ginanap sa QCPD Grandstand, Camp Karingal, Sikatuna Village, Quezon City nito lamang Biyernes, ika-19 ng Hulyo 2024.
Ang nasabing seremonya ay pinangunahan ni Police Major General Jose Melencio C Nartatez Jr, Regional Director ng NCRPO at ni Assistant City Administrator for Operations na si Mr Alberto Kimpo kasama ang Task Group Commanders mula sa BFP, BJMP, AFP at iba pang security forces.
Ito ay ginanap bilang paghahanda sa darating na State of Nation Address (SONA) ng ating Pangulong si Ferdinand “Bong Bong” R Marcos Jr., na kung saan may 23,000 na mga security forces ang madedeploy sa iba’t ibang parte ng Metro Manila.
Isa-isa ding ininspeksyon ng matataas na opisyales ng PNP ang mga kagamitan na maaaring magamit para sa pagpapanatili ng ligtas na seguridad sa naturang kaganapan.
Ang kahandaan at dedikasyon ng PNP ay binibigyang-diin ang mahalagang papel sa pagtiyak ng kaligtasan at seguridad ng kaganapan na sumasalamin sa hindi natitinag na pangako sa paglilingkod sa bayan.
Ang Pambansang Pulisya ay titiyakin na maayos at payapa ang paghahatid ng SONA para sa ating mga kababayan. Layunin ng paghahandang ito ay upang makapaghatid nang maayos at ligtas na serbisyo ang ating mga kapulisan kabilang na ang ibang pang security forces.
Source: RPIO NCRPO
Panulat ni PSSg Remelin Gargantos
