Nasabat ang tinatayang Php1,360,000 halaga ng shabu sa isinagawang joint buy-bust operation ng PNP-PDEA BAR sa Barangay Poblacion 5, Cotabato City nito lamang ika-17 ng Hulyo 2024.
Kinilala ni Police Brigadier General Prexy D Tanggawohn, Regional Director ng Police Regional Office BAR, ang suspek na si alyas “Supermo”, 26 anyos, na residente ng Barangay Calaan, Buldon, Maguindanao del Norte.
Naging matagumpay ang ikinasang operasyon ng mga awtoridad ng Police Station 1 – Cotabato City Police Office, Regional Drug Enforcement Unit, Cotabato City Drug Enforcement Unit at Philippine Drug Enforcement Agency – BARMM na nagresulta sa pagkakaaresto sa suspek at nakumpiska ang dalawang piraso ng knot-tied transparent plastic bags na pinaghihinalaang shabu na may bigat na 200 gramo at tinatayang nagkakahalaga ng Php1,360,000, buy-bust money, isang yunit ng analog cellphone, isang black leatherette wallet, dalawang ID, isang brown belt bag at isang brown paper bag.
Mahaharap ang suspek sa kasong Republic Act 9165 o “Comprehensive Dangerous Drugs Act of 2002”.
Ang Pambansang Pulisya katuwang ang iba’t ibang ahensya ng pamahalaan ay patuloy sa pagpapaigting ng kampanya kontra ilegal na droga. Ito ay alinsunod sa isa sa pangunahing prayoridad ng administrasyon na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Panulat ni Patrolwoman Ma. Señora J Agbuya
