Boluntaryong nagbalik-loob sa pamahalaan ang isang miyembro ng Communist Terrorist Group at kusang-loob na isinuko ang kanyang baril sa Bulacan 1st PMFC sa Camp Alejo S Santos, Barangay Bulihan, Malolos City, Bulacan nito lamang Biyernes, ika 19 ng Hulyo 2024.
Kinilala ni Police Lieutenant Colonel Reyson Bagain, Force Commander ng nasabing unit ang sumuko na si alias “Ka-Carlos” 46 anyos, may asawa, at residente ng Barangay Bangkal, Malolos City, Bulacan.
Siya ay dating miyembro ng Rebolusyonaryong Hukbong Bayan (RHB), na nag-ooperate sa Bataan, Pampanga at Bulacan.
Matagumpay ang pagbabalik-loob sa isinagawang operasyon ng mga tauhan ng 1st PMFC kasama ang Malolos CPS, Bulacan PIU, 70IB at 301st MC, at Regional Mobile Force Batallion.
Samantala, kasabay ng pagbabalik-loob nito ay isinuko din nya ang isang Smith and Wesson caliber .38 revolver na walang serial number na may tatlong bala.
Sa ilalim ng programa ni Pangulong Marcos na naglalayong sugpuin ang insurhensiya, ang Pambansang Pulisya sa pamumuno ni Chief, PNP ay patuloy na hinihikayat ang mga natitira pang miyembro at tagasuporta ng Communist Terrorist Group na magbalik-loob sa pamahalaan at samatanlahin ang programa nitong Eclip o Enhanced Comprehensive Local Integration Program at magkaisa tungo sa isang bagong Pilipinas.
Panulat ni Patrolwoman Mildred A Tawagon
