Tinatayang Php234,000 halaga ng Fully Grown Marijuana Plants ang nadiskubre ng mga operatiba ng Benguet Police Provincial Office sa isinagawang marijuana eradication sa Sitio Lupting, Tacadang, Kibungan, Benguet, nito lamang ika-18 ng Hulyo 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pagsisikap ng pinagsanib na pwersa ng mga pulisya sa pangunguna ng Benguet 1st PMFC, kasama ang Kibungan MPS, Provincial Drug Enforcement Unit/Provincial Intelligence Unit Benguet PPO, Regional Intelligence Unit-CAR, at Philippine Drug Enforcement Agency-Cordillera.
Ang operasyon ay nagresulta sa pagkadiskubre ng isang plantasyon ng marijuana na may nakatanim na humigit kumulang 1,170 piraso ng marijuana na nagkakahalaga ng Php234,000 Standard Drug Price.
Bagamat walang nahuling cultivator, lahat ng mga binunot na fully grown na halaman ng marijuana ay binunot at sinunog sa mismong lugar.
Pinuri naman ni PCol Bayongasan ang mga operatiba sa kanilang matagumpay na operasyon at patuloy na paiigtingin ang kanilang kampanya kontra ilegal na droga upang matuldukan ang paglaganap ng ipinagbabawal na gamot sa kanilang nasasakupan.
Ang pagpuksang ito ng Benguet PNP ay bilang tugon at suporta sa isinusulong ng kasalukuyang administrasyon na maging drug free ang ating bansa tungo sa Bagong Pilipinas.
Panulat ni PSSg Juderick S Tasing
