Tinatayang Php8.4 milyong halaga ng Fully Grown Marijuana Plants ang nadiskubre at sinunog ng mga awtoridad sa Barangay Loccong, Tinglayan, Kalinga nito lamang ika-19 ng Hulyo 2024.
Ayon kay Police Colonel Gilbert A Fati-ig, Provincial Director ng Kalinga Police Provincial Office, matagumpay ang operasyon dahil sa pagsisikap ng mga operatiba na pinangunahan ng Provincial Drug Enforcement Unit ng Kalinga PPO kasama ang Tinglayan Municipal Police Station (MPS), Lubuagan MPS, Rizal MPS, 111 SAC, 111 SAB, PNP-SAF at PDEA Kalinga.
Nagresulta ang operasyon sa pagkakadiskubre ng tatlong plantasyon sa isang communal forest na may kabuuang lawak na 2,100 square meters na may kabuuang tanim na 42,000 Fully Grown Marijuana Plants at may Php8,400,000 Standard Drug Price.
Bagamat walang nahuling cultivator, binunot at sinunog ng mga operatiba ang nadiskubreng marijuana plants sa mismong lugar ng taniman.
Ang matagumpay na opersyon ay patunay na ang Kalinga PNP ay patuloy sa pagpapaigting ng kanilang kampanya kontra ilegal na droga alinsunod sa mga prayoridad ng administrasyon para maging isang drug free ang ating bansa tungo sa isang Bagong Pilipinas.
Panulat ni Patrolwoman Jomalyn Cacanindin
