Arestado ang isang Regional Most Wanted Person sa isinagawang manhunt operation ng Pila Municipal Police Station sa Barangay Daungan, Mauban, Quezon nito lamang ika-15 ng Hulyo 2024.
Kinilala ni Police Colonel Gauvin Mel Y Unos, Acting Provincial Director ng Laguna Police Provincial Office, ang suspek na si alyas “Topher”, residente ng Pila, Laguna.
Naaresto ang suspek bandang 11:00 ng gabi sa nasabing barangay sa bisa ng Warrant of Arrest para sa kasong 2 Counts ng Statutory Rape na walang inirerekomendang piyansa.
Ang matagumpay na operasyon ng Laguna PNP sa pagtugis sa mga taong sangkot sa iba’t ibang uri ng krimen ay nagbibigay kapanatagan sa ating mga mamamayan na ang Bagong Pilipinas ay hindi lamang isang pangarap kundi makakamtam sa pamamagitan ng sama-sama nating pagkilos sa kaunlaran ng ating bansa.
Source: Laguna Police Provincial Office
Panulat ni Patrolwoman Angelica Rica S Teng
