Nakumpiska ng Regional Police Drug Enforcement Unit 6 ang Php1.2 milyong halaga ng pinaghihinalaang ilegal na droga sa isinagawang drug buy-bust operation sa Barangay Ungka 1, Pavia, Iloilo nito lamang ika-17 ng Hulyo 2024.
Kinilala ang mga naaresto na sina Alyas “Anthony”, 43 anyos, alyas “Gildon”, 28 anyos at alyas “Cliff”, 38 anyos na kilala bilang mga High Value Individual, Street Level Individual at residente ng Barangay Ungka 1, Pavia, Iloilo.
Ayon kay Police Captain Glenn Soliman, Officer-In-Charge ng RPDEU 6, narekober ang kabuuang 17 plastic sachets na naglalaman ng ilegal na droga na may bigat na humigit kumulang 180 gramo at may Standard Drug Price na tinatayang nagkakahala ng Php1,200,000.
Nakuha rin sa mg suspek ang digital weighing scale, mga lighter, aluminum foil, at Php12,000 na buy-bust money.
Samantala si alyas “Cliff” ay nahulihan naman ng isang caliber .22 revolver na may apat na bala.
Matagal nang mino-monitor ng kapulisan ang mga suspek at napag-alamang dati nang nakulong dahil sa ilegal na droga ang tatlong suspek.
Kasalukuyang nasa himpilan ng pulisya ang mga naturang suspek para sa tamang disposisyon ng kanilang kaso at nahaharap sa kasong may paglabag sa Republic Act 9165 o ang Comprehensive Dangerous Drugs Act of 2002 at RA 10591 o Illegal Possession of Firearms and Ammunition Regulation Act.
Layunin ng buong pwersa ng kapulisan sa Iloilo na matiyak ang katahimikan na malayo sa ganitong mga ilegal na aktibidad ang ating komunidad.
Source: K5 News FM Iloilo 88.7
Panulat ni Pat Ryza Valencia
