Arestado ang tatlong suspek sa isinagawang drug buy-bust operation ng PNP Drug Enforcement Group at Philippine Drug Enforcement Agency-Regional Special Enforcement Team Alpha sa Barangay San Juan, Molo, Iloilo City nito lamang ika-16 ng Hulyo 2024.
Kinilala ang mga suspek na si alyas “Jomarie”, 22 anyos, isang construction worker, alyas “Rodolfo”, 35 anyos, pedicab driver, at alyas “Romela”, 27 anyos at residente ng nasabing lugar.
Samantala, inamin ni alyas “Romela” na gumagamit siya ng ilegal na droga noong nakaraang anim na taon. Dagdag pa niya, gumagamit siya ng droga dahil naglalaba siya, upang magkaroon ng lakas.
Kasama sa mga operating team ang Seaport Interdiction Unit (SIU), at Coast Guard Intelligence Group Western Visayas/Coast Guard Intelligence Unit Iloilo (CGIGWV/CGIU).
Narekober ang dalawang plastic sachets ng pinaghihinalaang ilegal na droga, Php8,500 buy-bust money, iba pang non-drug items, at walong plastic sachets ng pinaghihinalaang shabu na may Standard Drug Price na Php240,000.
Patuloy ang Iloilo City PNP sa kanilang dedikasyon sa mga operasyong tulad nito upang matigil ang paggamit at pagbebenta ng ilegal na droga sa buong Western Visayas.
Source: Aksyon Radyo Iloilo
Panulat ni Pat Ryza Valencia
