Naaresto ang tatlong High Value Individual sa buy-bust operation ng pinagsanib na pwersa ng Provincial Drug Enforcement Unit ng Cavite PPO at mga tauhan ng Dasmariñas City Component Police Station sa Barangay Datu Esmael Dasmariñas City, Cavite nito lamang Hulyo 15, 2024.
Kinilala ni PLtCol Jerry B Corpuz, Chief Provincial Intelligence Unit, ang mga suspek na sina alyas “Isma”, 34 taong gulang at si alyas “Basir”, 34 taong gulang, parehong residente ng Barangay Datu Esmael, Dasmariñas City, Cavite at alyas “Mel”, 45 taong gulang, residente ng Barangay Sta. Lucia Dasmariñas City, Cavite.
Nakumpiska sa pagmamay-ari ng mga naarestong suspek ang white crystalline substance na hinihinalang shabu na tumitimbang ng humigit kumulang 30 gramo na may Drug Price Value na Php204,000.
Nasa kustodiya na ngayon ng PDEU-Cavite PPO ang mga naarestong suspek para sa pagproseso at dokumentasyon, habang inihahanda ang kasong paglabag sa Republic Act 9165 laban sa kanila.
Pinuri naman ni Police Brigadier General Paul Kenneth T Lucas, Regional Director ng PRO CALABARZON ang pagsisikap ng Cavite PNP, sa pamumuno ni Police Colonel Ricardo Jr para sa matagumpay nitong operasyon.
Source: Cavite PPO-PIO
Panulat ni Pat Maria Sarah P Bernales
